Esta axuda concédese nos casos de falecemento de mutualistas (titulares ou beneficiarios), sempre que se atopen en situación de alta no momento do feito falecemento.
A contía desta axuda está establecida na Resolución do 19 de decembro de 2012 da Mutualidade:
-
No suposto do falecemento do mutualista: 250 euros. No entanto, se a axuda corresponde á persoa que se fixo cargo dos gastos de enterro, a contía a conceder será o importe da factura co límite de 250 euros.
-
No suposto do falecemento do titular non mutualista ou beneficiario: 150 euros. No entanto, se a axuda corresponde á persoa que se fixo cargo dos gastos de enterro, a contía a conceder será o importe da factura co límite de 150 euros.
Poden percibir esta axuda:
-
No suposto de falecemento do mutualista titular por dereito propio, as seguintes persoas, segundo a orde de preferencia excluínte que se indica: 1º) o cónxuxe viúvo non separado xudicialmente; 2º) Os fillos que estiveren incluídos como beneficiarios no seu Documento de Afiliación; neste caso a solicitude deberá formularse polo fillo de maior idade, entendéndose que o fai en nome de todos; e 3º) a persoa que acredite aboar os gastos de enterro, mediante factura orixinal.
-
Se o falecido é un titular por dereito derivado: a persoa que acredite aboar os gastos de enterro mediante factura orixinal.
-
No caso do falecemento dun beneficiario: o titular do Documento de Afiliación no que aquel figure incluído.
OUTRA INFORMACIÓN RELACIONADA